برنامج pcsx2 0.9.6 لتشغيل العاب ps2 + الشرح

[[center]center]

pcsx2 0.9.6

بعد ما نحمل البرنامج بنسطبه عادي جدا و مكان التسطيب بيكون في ال c في ال program files تحت عنوان pcsx2

بعد كده ممكن نشغل البرنامج من مكانه او ننقله في اي ممكان تاني نختاره ونشغل البرنامج من ملف Pcsx2 0.9.6[/center]



الأعدادات
اول حاجه هنفتح البرنامج من فولدر pcsx2 من مكانه المحطوط فيه ومن ملف pcsx2 0.9.6 ودي صوره البرنامج بعد ما يفتح



وبعد كده من ال tab بتاع البرنامج نضغط علي config ونختار اول واحده configure



وبعد كده هنبدا نعدل علي بعض الحاجات واولهم ال bios :هنختار set bios directory علشان نحدد للبرنامج مكان ال bios اللي هيشغل البرنامج و طبعا هندور علي فولدر ال bios جوه فولدر pcsx2




وبعد كده نختار اي واحد من البيوس ويفضل لو كان الاحدث زي ما في الصوره



وباقي بعض الحاجات اللي هنعدل عليها اولهم ال Graphics
وهنختار واحد من اول 3 اختيارات بس الخيار التاني مخصص لبعض البروسيسورات ومش هيشتغل علي كل الاجهزه اما الخيار الرابع فلا انصح به لان تظبطه صعب وبيعمل مشاكل وبعد ما نختار واحد نضغط علي configure اللي تحتها علي طول

تابع الصور:





وطبعا ممكن تغير في ال configuration علشان تتستخدم dx 10 او تزود الجرافيكس بتاعت اللعبه بس لازم يكون كارت الشاشه كويس والبروسيسور نفس النظام و ممكن تقلل من الجوده علشان تزود اداء اللعبه

ونخش بعد كده علي ال sound ويفضل يتساب زي ما هو

وبعد كده هنلاقي first controller و second controller ودول للدراعاتgame pad و هنختار configure تحت كل واحد فيهم ونبدا نعدل زي ما في الصوره بس لازم يكون موجود game pad متوصل بالجهاز



وهنبدأ نعين كل زرار بالزرار بتاعه في الدراع بمجرد اننا نضغط بالماوس علي اسم الزرار و بعدين نضغط علي الزرار اللي هيشغله في الدراع ونكرر طبعا لحد ما نخلص و بعد كده نضغط apply و ok

ودلوقتي هنعدل علي ملفات الايزو اللي هنشغل منها الالعاب اللي موجوده تحت اسم cdvdrom وهنختار الخيار التاني linuz iso cdvd 0.8.0



وهنبدا نعدل عليه من configure اللي تحته علي طول و نختار select iso ومنه هنحدد ملف الايزو اللي هنشغل منه اللعبه اللي احنا عاوزينها ونختاره و نضغط ok



وبالنسبه لباقي الحاجات فمشش هنعدل عليها

وباقي 3 حاجات كمان هنعدل عليهم وكله يبقي تمام
1 cpu
وهنلاقيه في قايمه config اللي في القايمه الرئيسيه





وطبعا ممكن تغير في التعديلات حسب امكانيات جهازك مثلا ممكن تخلي frame limit او frame skip وكل ماكان البروسيسور اعلي كان احسن ويفضل ال dual core واكيد ال quad core وما يليه

2 speed Hacks
لتسريع الالعاب شويه وهنلاقيه في قايمه config اللي في القايمه الرئيسيه





وممكن نعدل فيها غير اللي في الصوره مثلا نختار default cycle rate للي مش عاوز تسريع وجهازه شغال كويس وممكن نختار 1.5 او 3 cycle rate بس انا لا انصح ب 3 cycle rate لانها تقريبا بتعمل بعض المشاكل

3 Advanced





ويفضل عدم التغيير علي اعداداتها

وبالنسبه للميموري كارد فهو متظبط جاهز في معظم الحالات ولو حصل و لقيته مش مظبوط فهتختار memcard وهنلاقيه في قايمه config اللي في القايمه الرئيسيه وهنضغط عليه وهنلاقي memory card slot 1 و 2 هنختار memory card slot 1 ونضغط علي browse ونحدد مكان الميموري الكارد اللي موجود في فولدر pcsx2 اللي هنلاقيه فولدر باسم memcards هنختار منه Mcd001.ps2 للميموري كارد 1 ونكرر العمليه علي ميموري كارد 2 لو عاوزينه بس في الحاله دي هنختار Mcd002.ps2 من فولدر memcards







و علشان نبدأ اي لعبه هنفتح file اللي هنلاقيها في القايمه الرئيسيه و نضغط علي run cd/dvd



ودي بعض الصور من لعبه raw vs smackdown 2010 من علي جهازي







تم الشرح بحمد الله
والأن التحميل ولكن لاتنسى التقييم أولا



التحميل على اكثر من سيرفر

http://www.qooy.com/files/X9CPWN5FV2/AhlaKora.Pcsx2.9.6.rar

Thank You Somaa .... for this fantastic program ...

الف شكر ياسمعة على البرنامج الهائل .......... ودايما الى الامام

شكرا يا صحبى ولو عايز اى حاجة انا تحت امرك

كشمورررررررررررررررررررررررررررررررررر

مشكووووووووووووووور على الشرح الاكثر من رائع
بس معلش انا عندي استفسار انا حملت لعبه raw vs smackdown 2011 من النت عن طريق برنامج التورنت و بعد ما نزلت طلع لها ملفات كتيره اوي يمكن 53 ملف ممكن تقولي ازاي افك الضغط و هل لكل الملفات و انا عايزه اشغلها على الكمبيوتر يا ريت تقولي على الطريقه و انا حملت البرنامج pcsx2 0.9.6

بص يا صحبى انت ما تفكش الضغط انت الضغط اللى حملتة دة هو اللعبة وبصيغة ايزو بس هو بياخد شكل الضغط بس هى دية اللعبة وشغلها عادى ورد عليا علشان لو ما اشتغلتش اقولك تعمل اية وانا تحت امرك

hwa ana 3ndy moshkela ana lma aft7 el le3ba tbd2 70-100 fps y3ni sare3a bs lma a5sh el le3ba f3lan w a5sh el match tenzl mara wa7da le 20 fps aw a22l
ana 3amtan bl3b wwe smackdown here comes the pain w deh emkanyat ghazy

mother board: intel(4) pentium(4

ram:2.5 gb

كارت الشاشه:1.5gb

prossesor : 3.00 ghz

يرجى الرد ضرورى

mido 1998 كتب:

hwa ana 3ndy moshkela ana lma aft7 el le3ba tbd2 70-100 fps y3ni sare3a bs lma a5sh el le3ba f3lan w a5sh el match tenzl mara wa7da le 20 fps aw a22l
ana 3amtan bl3b wwe smackdown here comes the pain w deh emkanyat ghazy

mother board: intel(4) pentium(4

ram:2.5 gb

كارت الشاشه:1.5gb

prossesor : 3.00 ghz

يرجى الرد ضرورى

بص يا صحبى عامتا اى لعبة مصارعة للبرنامج اللى بيشغل البلايستيشن 2 على الكمبيوتر بتبقى بطيئة شوية وعايزة جهاز جبار وكمان النسخة دية مش اجدد اصدار انا هنزلك اخر اصدار وانا شغال بية دلوقتى وان شاء الله تشتغل تمام

mashi awlan: shokran 3la el rd
sanyan :enta asd2k el brnamg el geded hwa pcsx2 0.9.7 (beta)r
asl ana 3andy el brnamg dh brdo w by3ml nfs el kalam w nfs el moshkela
thalthan : ana 3andy l3bt smackdown vs raw 2010 w 2011 w brdo nfs el kalam

f de moshkela tabe3ya wla 3ndy ana bs

لا المشكلة دية بتبقى بسبب قوة جرافك اللعبة والمعروف ان اى لعبة مصارعة بيكون الجرافيك بتاعها شديد
وانا عندى بردو لما بدخل على اللعبة بتبقى فى قوائم اللعبة واختيار اللعيبة وكدةسريعة اما لما تخش الحلبة وتلعب الجرافيك بيزيد فبالتالى سرعة اللعبة بتقل حسب سرعة جهازك

ماشى كدة انا فهمت طب و الحل؟ انا منزل الجديد وبردو نفس الكلام

هوا فى حل للمشكله ديه عامة لو فى ياريت تقوله مشكورا احسن انا بحاول بقالى اربعة اشهر انى اشغلها صح

يرجى الرد

هى مش مشكلة هى مسألة قدرات لازم يكون جهازك اسرع من كدة علشان يشغل اللعبة بالسرعة اللى انت عايزة وفية برامج بتزود سرعة الالعاب زى GameGain برنامج بيسرع العاب وفية برامج تانى قوية

يعنى برنامج gamegain هوا الى هيعدل السرعة ويخليه عاليه و يشغل بسرعة 50 fps حتى الالعاب الجديدة؟؟؟

ممكن طريقة اسهل لتحميل البرنامج

حاضر جارى الرفع على عدة سرفرات

يا مدير ممكن اتساعدني يوم تيجي اللعبة بدها تشتغل بيجي the instruction at 0*1004d3de referenced memory at 0*fffffff the memory could not read.
click on okto terminate the program طل بدال النجمة اكس اوك

يا مدير ممكن اتساعدني يوم تيجي اللعبة بدها تشتغل بيجي the instruction at 0*1004d3de referenced memory at 0*fffffff the memory could not read.
click on okto terminate the program طل بدال النجمة اكس اوك

flyingagent كتب:

يا مدير ممكن اتساعدني يوم تيجي اللعبة بدها تشتغل بيجي the instruction at 0*1004d3de referenced memory at 0*fffffff the memory could not read.
click on okto terminate the program طل بدال النجمة اكس اوك

معلش انا اسف على التأخير فى الرد لظروف عملي

بص حضرتك انا عايزك تجبلي صورة للنص اللى بيظهرلك وانا تحت امرك

وممكن تحمل الاصدار الاحدث من دة وموجود فى قسم البرامج

شوف اللى يريحك وانا تحت امرك ومعاك 24 ساعة

شكرااااااااا

لوسمحت أنا عندي مشكلة و مش عارف أحلها
أنا عملت كل الخطواط اللي حضرتك قولت عليها بس لما آجي أشغل البرنامج ( من جوه البرنامج نفسه )

بضغط على Browser , و باختار أول ميموري , بيقولي عايز يعما format للميموري و بدوس yes

أعمل إيه بعد كدة أنا مش لاقي أي زرار أشغل بيه اللعبة ياريت حضرتك تشرحلي أعمل إيه و أكون شاكر جداً
و معلش مش قادر أرفع لحضرتك الصور علشان انا لسة جديد في المنتدى